قارداشیم ائلخانا
چای اوسته کؤرپو یئری وار،
لیماندا گمی یئری ...
هانسی زاوالا گلدین
بالالاریمین عمی یئری .
من خسته یاتاندا
یاستیغیمین یانین کسیب
سئو گیسیله منی
مست ائدن قارداش
اؤزونو خسته لندیریب
منه دوشمن می اولدون ،-
قارداشیما قصد ائدن قارداش .
خسته لیگین خمیرین .
هاردان گؤتور دون،
یوخاتک جانینا
یایدین ، قارداش ،
بس منی سئویردین ،-
قارداشیمما
نئجه قییدین ، قارداش .
ائوده قوناق اولاندا
ننم یئریمیزی
بیر سالاردی ،-
آیاق ، باش یاتاردیق ،
تپیکلشیب
ایکی قارداش یاتاردیق .
تپیگی قورویان قارداشیم ،
آخسایا ، آخسایا
یئری ین قارداشیم .
چای اوسته کؤرپو یئری وار،
لیماندا گمی یئری ...
هانسی زاوالا گلدین
بالالاریمین عمی یئری ...
پاسخ با نقل قول
علاقه مندی ها (بوک مارک ها)