| من حیرانام چرخ فلک اَلیندن |
|
ازل گؤندن خلقی دردَه سالان‌دیر |
| بیرین گؤررَنگ اوزاق سالوب ائلیندن |
|
بیرین غمخوار اِدیب اوتا یانان‌دیر |
| بو دؤنیادا هر کیم گؤردؤم بیر حالدا |
|
هِچ گؤرمَه‌دیم کج‌خیالی دؤز یولدا |
| نؤچه عاشق هنوز گؤزی گؤی خالدا |
|
قوجا عارف شیلال بویی کمان‌دیر |
| هر کیمی که دلبر یوخو، دل یوخو |
|
باغچادیر کی خار واری‌دیر، گؤل یوخو |
کیمسه‌ای کی خوشلوق اونا یول یوخو
|
|
یاتان بختی هر دیارا گمان‌دیر |
بیرین گؤررَنگ بختی‌یاردیر کامگار
|
|
هر دم اونونگ عیش و نوشی برقرار |
| بیزَه بهره آغساق اِشَک طلبکار |
|
اوندان سورا یامان آرواد طوفان‌دیر |
| مظلوم چکَر رنج و محنت انتظار |
|
ظالم تاپار خلق مالی‌نان اعتبار |
| ناکس بولور نیرنگ‌اینن اقتدار |
|
دؤز یولونان سلطان اولماق یالان‌دیر |
| محسن دییَر شیرین عمرؤنگ باش اولور |
|
نازبالیشینگ بیردن اینچه داش اولور |
| یاخچی یامان راز و رمزینگ فاش اولور |
|
غافل اولمادؤنیا خواب گران‌دیر |
پاسخ با نقل قول
علاقه مندی ها (بوک مارک ها)