مندیروَك وِلو(1) وَوبيديم و جاوُرگهامون(2) تش گرهد
بس كه منديرِ(3) صُوَ بيديم حَلامون تش گرهد
چند روزِ آزگار(4) اَو تِشنيامونِ(5) نَجُست
يه قُلُپ برفو ، كه جُستيم دوربامون تش گرهد
خَست و خين اَوبيديم اِزبَس تَينيدنمون(6) بي خور
تيگ نويسَم ديدمون و زيرِ پامون تش گرهد
كيونوي(7) مال ايخَوسْتيم ، كوهنه بشخيدن بِمون
وَختِ ديدن بَيله(8) و بَيگ(9) و پَشامون(10) تش گرهد
پِرپروكَم وَي(11) بلاكَم شونه بامون سركُنه
يَه دَمون مند و پَرِس سُوهد و دلامون تش گرهد
گوهدن اَر حرسا بريسن ، تَش بلازه كور ايبو
ايقذَر ما حَرس رهديم كه تيامون تش گرهد
(1) سرگردان ، آواره (2) محل بارانداختن ، جاي سياه چادر (3) منتظر (4) پي در پي (5) گلوهايمان (6) ما را چزاندند (7) كدبانو (8) گروه ، دسته (9) عروس (10) جهيزيه (۱۱) آمد
پاسخ با نقل قول
علاقه مندی ها (بوک مارک ها)