باخ بو گلا باخ بو قشنگ بهارا شکر الله دنیا اُلموش گلارا
یازّی سبزه خرم گل بی شمارا حق نعمتی بهارا باخ بهارا
خوشا اُدل گلا وارودور نسبت بو بهار چاقوندا ایلیه عشرت
خوشا گوینی که واری یار با عزّت گل عطریندن بهارا باخ بهارا
قدرت الهی دنیا گلستان گل آچو لموش در ودشت وبیابان
خوشا دلی که واری یار مهربان بی وفا یار بهارا باخ بهارا
داغلار تمام یک رنگ اُلموش سبزه پوش دشت و چمن باغ بهارگوش به گوش
گل عشقیدن بلبل مغرور و مدهوش صوت بلبل بهارا باخ بهارا
چایلار کمی تمام اُلموش سبزه زار بهار فصلی گوینوم اُلموش بی قرار
شکرونگ اُلسون اُکریم کردگار حق لطفوندان بهار باخ بهارا
گلّار تمام آغ و ساری گل اندک باغلا ر ایچی آچو لمو شد ورگل پیچیک
گل و سنبل گيموش بنفشه کونیگ بورنگ به رنگ بهار را باخ بهارا
حق یولوندا گوینوم اُلموش پروانا تا یانما سا قبول ادمروز ویرِ انا
گونگول مایل اُلما باغ بستانا عمرفانی بهارا باخ بهارا
منیم گونیوم بهاری تازا اُلماز گدی عمرفانی هِیچ گِری گَلمز
نچون گُرنگ قره داغلار قوجالماز قوجالماز داغ بهارا باخ بهارا
بلبل اُلموش شیدا گلّار مشتاقی همیشه غمگین دور دلبریم باغی
منیم گوینوم اُلموش حسرت اُتاقی دیر طهماز بهارا باخ بهارا
پاسخ با نقل قول
علاقه مندی ها (بوک مارک ها)