عوریان زار اولدوم یئنه،
مجونونا باخ، مجونونا باخ!
سلطان غار اولدوم یئنه
هامــــوناباخ، هامــــوناباخ!
داش أوسته قویدوم باشیمی،
تؤکدوم عمـــــــــانه یاشیمی.
توفان نوح اولـــــــــــــدوم یئنه
جیـــــــــحونا باخ، جیِِِــــحونا باخ!
وحشی یاتاغـــــــــی منزلیم،
قوشلار یواسی کاکــــــــیلم!
افعی ألیـــــــــــــمده اوینارام،
افســــــــــونا باخ، افســـــونا باخ
سالـــــــدی منی دیلدن دیله
دوشدو ایشیم چوخ موشگله.
ای مرغ جان! بو دیـــــده ی
پـــرخــــونه باخ، پـــرخــــــونه باخ!
سالدیم اوجاغــــا مصحفی،
ساز ائیله دیم چنگ و دفی.
بوینومدا بیر زونـــــــاری گـؤر
معلـــــــعونه باخ، معلــــــعونه باخ!
سولدو، خزان، اولدو گولـوم،
دوشدو نوادان بولبـــــــولوم.
بیردم منی شاد ائتــمه دی
گــــــــــردونه باخ، گـــــــــردونه باخ!
آلــــدی ألیمدن یاریــــــمی،
آرتیردی آه و زاریـــــــــــمی.
هر ایلده بیر داغ آرتــــــــیرار
قـــــــــــــانونـه باخ، قــــــانونـه باخ!
کئچـــدیم فلکدن،کیمدیر او
دورســـون منیمله روبه رو؟
یوزمیـــن خزینه م وار منیم
قـــــارونــــه باخ، قــــــــارونـــه باخ!
قویما ألینــــــدن تیشـه نی،
تؤک داغا بو انـــــدیشه نی.
فرهــــــــاد شیرین دیر گلن
گــــــــــلگـــونه باخ، گولگـــونه باخ!
قـــــــــــــوربان وفالی یارینا،
عاشیق سئون دلداریــــــنا.
وه!وه!عجب شبرنگ ایمیش
شبــــــــــــخونه باخ، شبخونه باخ!
قندی نباتــــــــی توک دوزه،
گل بیر تماشا قیل ســــؤزه.
بیر گؤر نه گؤوهر دوزموشم
مضــــــمونه باخ، مضـــــــــمونه باخ!
سورما نــــــباتی دن خبر،
کیم بو کلامــی کیم دئیر؟
دور بیر نـــــــظر اول قامت
مـــــــــــوزونه باخ، مــــــــوزونه باخ !
پاسخ با نقل قول
علاقه مندی ها (بوک مارک ها)