@~@ آذری شعرلری @~@

[P a R y A]

باخ فجر ظلمتین بوزاران پرده سین آچیر

مشرقده آتشین قیزاران گون بوغولماسین

بیر آیه دیر کی قیرمیزی خطله یازیر سحر

کیمسه قارانلیغا دؤنوبن سجده قیلماسین



قورخما،بو ماوی گؤی آلتیندا یانان آل گونشین

و افقلرده گولن آل شفقین سؤنمه یه جک

ایلک باهارین آچاجاق گول،اؤته جک بولبوللر

دونیامیز بیر ده بو عالمده خزان گؤرمه یه جک



دونیا دوردوقجا سهندین اوجا بورجوندا یانان

اول گوموش رنگلی آی یوللاری آیدینلاداجاق

آخاجاق نهرلرین ،هم آچاجاق لاله لرین

بیر ده ائولرده اینان سؤنمه یه جک اود و اوجاق



ای منیم شانلی ائلیم، حرٌ وطنیم،آل گونشیم!

آینا تک پارلاق افق،دریا تکین چرخ اثیر

ای قادینلار ،آنالار بیرجه آچین پنجره نی

صبح آچیلماقدادی صبحون یئلی داغلاردان اسیر

[P a R y A]

* گؤزلــــر *

يئنه‌ كمان‌ كيمي‌ چكيب‌ قاشلارين‌،
قولدور باخيشلاري‌ واي‌ مني‌ گؤزلر.
داغيديب‌ گؤنلومون‌ باغچاسين‌، بارين‌،
ياخيب‌ يانديرماغا خرمني‌ گؤزلر.

اليندن‌ كيم‌ قاچدي‌ جانين‌ قورتاردي‌،
صنعان‌ دينين‌ آتدي‌، دونوز اوتاردي‌،
هر زامان‌ يئني‌ بير فتنه‌ قوپاردي‌،
او گورجي‌ باخيشلار، ارمني‌ گؤزلر.

سوزگون‌ باخيشيندان‌ اوركلر شان‌ ـ شان‌،
هر ياندا مين‌ يانان‌ ، مين‌ ـ مين‌ آليشان‌،
داغيديب‌ تئللرين‌ ائديب‌ پريشان‌،
قلب‌ ائوين‌ ييخماغا شانه‌ني‌ گؤزلر.

حسرتي‌ لاله‌نين‌ باغرين‌ داغلاييب‌،
شوقوندان‌ گول‌ گولوب‌، بولود آغلاييب‌،
ييغيب‌ داليسيندا دسته‌ باغلاييب‌،
سونبولي‌، نرگيزي‌، سوسني‌ گؤزلر.

زلفلري‌ قاپ‌ ـ قارا، اوزو آي‌ پارا،
ناز ـ غمزه‌سيندن‌ اوره‌كلر يارا،
قدرتدن‌ چكيليب‌ قاشلارا قارا،
نئيله‌يير ـ نئيله‌يير سورمه‌ني‌ گؤزلر.

باخيشي‌، گولوشو، حيله‌سي‌، فندي‌،
قاتيب‌ ـ قاتيشديريب‌ پوسته‌ني‌ ـ قندي‌،
بيلميرم‌ ايلك‌ ازل‌ كيمدن‌ اؤيرندي‌،
چمخمي‌، عشوه‌ني‌، غمزه‌ني‌ گؤزلر.

سوردوم‌، شرمدندير، بو، يا نخوتدن‌،
باشيني‌ قووزاييب‌ باخماز ابدا.
دئديلر، اؤزو ايله‌ دگيل‌، خلقتدن‌
شيوادان‌ آليب‌ بو شيوه‌ني‌ گؤزلر.

عشقي‌، اوره‌گيمده‌ تالان‌ قوپاردي‌،
صبر و قراريمي‌ چاپدي‌ ـ آپاردي‌،
وورغون‌ اولسايدي‌ نه‌يه‌ يازاردي‌
سهند بو قوشماني‌، نغمه‌ني‌، گؤز

[P a R y A]

گجه لر فیکرون نن یاتا بیلمیرم (شبا از فکرت خوابم نمیبره)
بو فیکری باشیم نان آتا بیلمیرم (نمیتونم این فکر رو از سرم بیرون کنم)

گجه لر عیشقون نن یاتا بیلمیرم (شبا از عشقت خوابم نمیبره)
بو عیشقی باشیم نان آتا بیلمیرم (نمیتونم این عشق رو از سر بیرون کنم)

نی نیم کی سنه چاتا بیلمیرم ( چی کار کنم که بهت نمیرسم)
نی نیم کی سنه چاتا بیلمیرم
آیریلیق آیریلیق آمان آیریلیق ( جدائی ای جدائی امان از تو ای جدائی)
هر بیر بی درد دن اولار یامان آیریلیق ( از هر دردی بدتره درد جدائی)

اوزون دور هیجرون نن گارا گجه لر (این شبهای سیاه از هجر تو خیلی طولانی هستند)
بیلمیرم من گدیم هارا گجه لر ( تو این شبها نمیدونم کجا برم)

ووروپدور گلبیمه یارا گجه لر ( این شبها قلب منو زخمی کرده)
ووروپدور گلبیمه یارا گجه لر
آیریلیق آیریلیق آمان آیریلیق (جدائی ای جدائی امان از تو ای جدائی)
هر بیر بی دردن اولار یامان آیریلیق ( از هر دردی بدتره درد جدائی)

[P a R y A]

تبريز
سنين دونيالاردا آدين بلي دير
ياييلميش هر يانا سوراغين تبريز
هر سينيق كونوله بير تسللي دير
بو تازه دورانين بو چاغين تبريز!
♥
بو اودلار وطني بو گوزل مكان
يا گوزل گونشدير يادا آسمان
سن بو آسماندا دان اولدوزيسان
آرتيبدي عزتين نوراغين تبريز
♥
شرقين گويلرينده چوخ اولدوز آخدي
تاريخ نه نيشان نه ايز بيراخدي
سنين مرد باغيندا شيمشك ده چاخدي
لاكين قارالمادي چيراغين تبريز!
♥

آزادليق ايسته دين زيندانا دوشدون
تقصير سيز گناه سيز بهتانا دوشدون
مين قارا چووغونا بورانا دوشدون
ينه الولاندي اوجاغين تبريز
♥
سن تسليم اولمادين اولومه قانا
اركين گوي مسجيدين شاهيد دير بونا
ستار خان يتيره ن اودلار يوردونا
بير سنگر يارانيب هر داغين تبريز
♥
ايندي سن آزادسان ائلين بختيار
گليسن قدرتينه اينانمايانلار
سنده دير بو جلال بو ثروت بو وار
گوهر معدني دير توپراغين تبريز
♥
آرتيق اينله مه يير قفسده بولبول
نه ساري خزان وار نه خسته بولبول
اوخويور شانيندان گول اوسته بولبول
گونده مين گول آچير هر باغين تبريز
♥
گونش حسد چكير گوي لردن سنه
باخديقجا هئي باخير دويمايير يئنه
اولدوزلار مات قالير گوزل ليگينه
آيا گل دئير او بلاغين تبريز
♥
ياشا بو دنيادا وار اول سن
جنتين تمثالي بير ديار اول سن
شرق ده آزادليغا بايراقدار اول سن
اولسون هر دشمنين هر ياغين تبريز
♥
سنه آنا دئسم يئري وار يئري
چونكي تصديق ائدر بو شرق ائللري
ايگيتلر بويودوب ازلدن بري
سنين بو مهربان قوجاغين تبريز
♥

منده اوز اوغلونام اي عزيز آنا
آل بو اولاديني دوغما قوينونا
اوشاق تك گولومو ساليم بوينونا
قوي اوپسون آنليندان دوداغيم تبريز
♥
دولانير شمعينه پروانه كونلوم
آيريلماز حسنيندن بير يانا كونلوم
اود دوتوب آليشا ديوانه كونلوم
قوي آخسين قوينوما بولاغين تبريز
سوز:علي توده

[P a R y A]

سن یاریمین قاصیدی ســـن

ایلش سنه چای دئمـــــــیشم



خیالینـــــــی گؤندریـــــب دی

بس کی من آخ وای دئمیشم



آخ گئجه لر یاتمامیشــــــام

من سنه لای ـ لای دئمیشم



سن یاتالی من گؤزومــــه

اولدوزلاری سای دئمیشـم



هرکس سنه اولدوز دئیـــه

اؤزوم سنه آی دئــــــمیشم



سندن سونرا حیــــــاته من

شیرین دیسه زای دئمیشـم



هر گؤزلدن بیر گول آلیــب

سن گؤزله پای دئمیشــــــم



سنین گون تک باتمــاغینی

آی باتانا تـــــای دئمــــــیشم



ایندی یایـــا قـــیش دئییــــرم

سابیق قیشــا یای دئمــــیشم



گاه تویونو یـــــاده ســـــالیب

من دلی نــای ـ نــای دئمیشم



سونـرا یئنه یاســــــــه باتیب

آغلاری های ـ های دئمـیشم



اتک دولـــــو دریــــا کیمــــی

گؤز یاشیما ، چای دئمـــیشم



عؤمره سورن من قارا گون

آخ دئمیشم ، وای دئمیشم ...

( شهریار )

[P a R y A]

سجده دیر هر یئرده بیر بت گؤرسم آئینیم منیـــــــــم

خواه کافر ، خواه مؤمن توت ، بـــــودور دینیم منیم


باغبان ، شمشاد و نسرینین منه عـرض ائتمه کیم ،

اول قد و رخسار دیر شمشـــاد و نســــــرینیم منیم .


خاک درگاهین نظـردن سورمـــــــه ای سیلاب اشک

قیلما ضایع سرمــــــــــه چشـــــــم جهــان بینیم منیم


اشک موجی گزدیرر هر یان تن خاشــــــــا کــــــیمی

ممکن اولماز اشک تحریکی له تمکینیــم منیـــــــــم


چاره اومدوم لعل شیــــرینین دن اشک تلخیمـــــــــه

اوندان آرتیق دیر مگر عشق ایچره تمکینیم منیم ؟


ای فضولی ، هــــــــــر یئتن طعن ائیلر اولدو حالیمه

بو یئتر اهل ملامت ایـــــــچره تحسینیـــــــــــم منیم

[P a R y A]

اوره گیمی چوخ کئورلتدی :



اؤزگور دولانیردیق یام یاشیل ایاقیندا

بیرده ن حوپ دوتدو دایاندی زامان

چاشقینلیق دوشدو اؤره گیمیزه

زامپارا بؤزگوش پیس باخدی یامان

آل الوان بویائیب زنگین خالچاسین

خالچانین گوللری ناقیص دی گومان

اؤزون گؤولدوردو بیزی آغلاتدی

گوزل گوللریم تالاندی آمان

ایندی من قالمیشام بیر داها کولگه م

کوچمه گه حاضیرام هر هانسی زامان

[P a R y A]

گؤزلیم !
سئومه یه جک ایدین سه
ندنسه گؤزلریمه توخونماق ایسته دین ؟ !
بلکه ده سن دئییلمیش سن
بلکه ده من
کابوس لار ایچینده
سئومیشم سنی .

بیر غریب آخشامین
غریب یولچوسو
بیر دلی شهرین ، دلی بالاسی
آه ...
سنی سئویرم .

باخمازسان اوزومه
گئدیرم اینان
لاپ بو یوللاردا
منی ساخلاماز
لاپ بو شهرده آنلاماز منی
آه ...
لاپ دلی جه سینه
اونوتسان منی
سئویرم ، گؤزلیم ، سئویرم سنی .
گئجه ...
تبریز ...
من ...
و ...

ندن سئومه یه جکسن منی ؟

گئدیرم ...
گئدیرم ...
« گؤروشه قدر » !

[P a R y A]

كرم كيمي
هاوا قورشون كيمي آغير!!
باغير باغير
باغيريرام
گلين قوشون قوشون
قورشون
اريت مه يه
چاغيريرام
بيري دئير مانا
سن اوز سسين له كول اولارسان اي!
كرم كيمي يانا يانا
ده ده
چوخ همدرد يوخ
اورك لرين قولاقلاري
كار دير كار
هاوادا قورغوشو كيمي آغيرليغي وار
من دئيرم كي اونا...
قوي كول اولوم
كرم كيمي يانا يانا
يانا يانا يانا يانا
من يانماسام سن يانماسان بيز يانماساق
نئجه چيخار قارانليق لار آيدينليغا
هاوا تورپاغ كيمي حاميله
هاوا قورغوشون كيمي آغير
باغير باغير باغيريرام
گلين قوشون قوشون
قورغوشون اريت مه يه چاغيريرام...
ناظم حكمت

[P a R y A]

سن زلفوني آچ توك اوزونه ، شانه سي مندن
زنجيري نشان وير منه ، ديوانه سي مندن
سن عاشقي يانديرماغا ، من يانماغا مايل
سن شمعيني گوستر منه ، پروانه سي مندن
زلفون قدري عاشق اولان وار سنه ، اي گل
سن سويله او مجنونلاري ، افسانه سي مندن
سرمست گوزون فتنه ، لبين نشئه لي باده
ايچدير منه اول باده ني ، پيمانه سي مندن
سن ناايله گول كه ، صدفين قيمتي آرتسين
گوز ياشي كيمي اينجيسي ، دردانه سي مندن
هردم گوتور اوزدن ، گوزليم افعي زلفون
چك ظاهره گنجينه ني ، ويرانه سي مندن
واحد ، مي تر ايتمك ايچون پير مغانين
رنجيده الوب بير نچه مستانه سي من