@~@ آذری شعرلری @~@

[P a R y A]

سیخیلیر کونول آغلایار گوزوم
قالیبدیر اورکده یارالی سوزوم
دای دیزلریمده قالمییب دوزوم
گئدیری اوغلوم قالمالی دییر
داوادرمانی آلمالی دییر
سهنده باخین قارلیدی باشی
قارادی گوزو قلم دی قاشی
بوجور داغلارا آغیر یاراشی
ندن بیلمیرم یاتاغان گئدیر
آی سیز گئجمدن گونش سان گئدیر
گئتملی اولدین مندن آرالی
قویدون باغریمی غملی یارالی
سندن سونرا من رنگیم سارالی
گئتمه بیر دایان بویووا باخیم
یوردموزداکین یاندیریم یاخیم
سنسیز بو دونیا پارایا دیمز
یارالی انسان یارایا دیمز
آغلار بیلیرسن قارایا دیمز؟
نییه گلمیشدین نییه گئدیرسن
کونلومی غمله کدر ائدریسن
سندن آرالی قوجاللام اینان
قئیدسن بیر ده اوجاللام اینان
قاف دان دا بیر گون باج آللام اینان
سهند! سن آلله گئتمه بیر دایان
اوزون یوخودان سن آلله اویان
سهند بیلیرسن سنه قول آچدیم؟
دوشک بئشیکه قیزیلی ساچدیم؟
سن اولان گونی یورلدوم قاچدیم ؟
دایان گئتمه بیر آتان آغلاییر
دمیر توخویا اوزون باغلاییر
بیر گون سن منه چلیک اولاردین
نه بیلیم تئزدن گلیب سولاردین
قالاردین گول تک منی یولاردین
گئت قوی باجیلار سنسیز آغلاسین
آنان اوره گین گونده داغلاسین

[P a R y A]

ساری کوینک


ای خسته قوش اواره گزیرسن بو دیاری

زنداندی قفسدی چمنی،باغی،باهاری

گوزله اوزووی اوچی دی هریانی بو یوردون

قوزغون کیمی دورت گوزلو گزیر کورپه شکاری

فرصت دالی سینجا گزیر ال یئری تاپسا

ویران قویاجاقیوردونی ای کوینکی ساری

تیک اوز یووانی قویما سنه ال تاپا اوچی

سن بو یووانئن صاحیبی سن،قان یئنه باری

جهد ائیله کی،جان قورتاراسان اوچی الیندن

دوشسن تورا،فریاد ائلمه،چک بو فشاری

گولشنده کی یوخ ذوق وصفا ای ساری کوینک

قاچ قاچ بو یئرین زهرلی دیر دارو نداری

دیللنسن اگر،اوچی ائده ر قانئنا غلتان

اوچسان آ یازئق!تیر جفا قلبینی یاری

مین فئرتانا قالخئب،دوگه جک،باشئنا طوفان

هر کیمده اولا،داغ کیمی دونیادا ووقاری

گلسه نه قده ر دردو بلا ،داغ کیمی دور باخ

ایدین دی بو سوز"توستو گئده ر گوچکه ساری"

ایستر سنی صیاد اوزونه رام ائده امما

اویغودا گوره ر،اج تویوق البتده کی داری

بو یاخشی مثل دیر کی بیزیم ائلده دئمیشلر:

بیر باخ اشاغا ،باخما اوزونده ن ده یوخاری

غم غصه کیچیک قلبینی گر دوگسه سئخئلما

بو گونده کئچر،اخیری،غملرده قوتاری

اوندا کی چئخارگون،یاییلار عالمه بیرده ن

اوندا کی قارادان یئری ،صبح اولجاق اغاری

داغی-داشی اسوده خیالیله گزه رسن

گولشنده نه شاختا گوره سن،داغدا نه قاری

ظولمون ائوی ویران اولو ،ظالیم دوشه ر الدن

قان دورماز اگر کسسه پئچاق قئرسا داماری

بختین قاپوسی ایندی قئفئلانسا دارئخما!

هر بیر قئفئلئن واردی طبیعتده اچاری

اوز جانوویلن اویناما بو عرصه ده "شیدا"

لیلاج دغلبازیله قئزدئر ما قوماری

[P a R y A]

سنده پای اولارسان بیرگون بیرینه
یاران منیم کیمی دوشردرینه
اونوتمااوگونی گوروش یئرینه
گلمه ین سن اولدون ،گلن من اولدوم

من سنی تاپانداایتیردیم اگر
ایتیریم ،گولوشون گونلومه یئتر
اورتاق دردیمیزی هم ده برابر
بولمه ین سن اولدون ،بولن من اولدوم

من یورغوی بیراسلان داغلاریوواسی
سن کیچیک بیرمارال جیران بالاسی
اوره ییم آغریدان قابار چالاسی
بیلمه یین سن اولدون بیلن من اولدوم

من سنی سئومیشدیم گونشجه گونده
هئچ گون آغلاتمادی ایچیمی دونجه
گوروشه گلنده هردونه اونجه
گولمه یین سن اولدون گولن من اولدوم

داغانیق گورورسن منده هرزادی
گولورسن اوزون گول گولدورمه یادی
یاش گوزلریمییزدن بیرشیرالدادی
سیلمه یین سن اولدون،سیلن من اولدوم
علی داشقین

[P a R y A]

تورکون دیلی تک سئوگلی،ایستکلی دیل اولمـــاز***اؤزگــــــه دیله قاتسان،بو اصیل دیل،اصیل اولماز
فارس شاعری چوخ سؤزلرینی بیزدن آپـــارمیش***صابــــر کیمی بیر سـفره لی شاعر،پخیل اولماز
تورکــــون مثلی فــــــولـــکلوری دنیادا تـــــک دیر***خان یورقانی،کند ایچره مثل دیر،میتیل اولــــماز
آذر قـــــوشونی،قــــیصر رومی اســــیر ائتمیش***کســــری سوزودور بیر بئله تاریخ ناغیل اولـــماز

[P a R y A]

ايکی تابلو
بير ساکت مئشه دير
بير دورو بولاق
بير سوسوز مارال دير
بير دسته قوشدو
تاراق........
بير گولدن يئراسدی زاغ زاغ
قوشلار پره ن پره ن
گويولره اوچدو

يئنه ده حاکم دير
دره ده داغدا
سکوت دوام ائدير اوزجولانينی
بير مارال باخيشلی
دورو بولاقدا
اووچو الرين
يويور قانينی

[P a R y A]

يئتمير داها ديئم کی سنی سئويرم

سنی سئوگی سيز

داغلارين داليندا بوراخيرام

سنی توکدوگوم گوز ياشلارينا

آند

سنی يازديغيم سئوگی سوزلرينه

آند

سنی سئوگی تانريسنا

آند

کی داها ياشاتميرمنی باخيشلارين

کی داها

دوداقلارينين ديبينده کی گولوش منی

داها يئتمير دئيم

کی سنی سئويرم

داها سنی سئوميرم

[P a R y A]

تنمن
گوزلريم باغلی دئيل

باغليام سنه

گئتمگين قالماغين اوز الينده دير

من تکجه سئويرم

سئومکدن باشگا بيلميرم هچ نه

گليرم گوزلرينده

يووا سالماغا

گوزليم

باخيشين بيزيير

آنا تورپاغا

آذربايجانا

[P a R y A]

من سنی سئومیشدیم گونشجه گونده
هئچ گون آغلاتمادی ایچیمی دونجه
گوروشه گلنده هردونه اونجه
گولمه یین سن اولدون گولن من اولدوم

داغانیق گورورسن منده هرزادی
گولورسن اوزون گول گولدورمه یادی
یاش گوزلریمییزدن بیرشیرالدادی
سیلمه یین سن اولدون،سیلن من اولدوم
علی داشقین

[P a R y A]

آنا يوردون قيزي




سارا بير آيدي بيزيم اللره آيسز گجه لر ----------------- بير اوجا سسدي قولاق وئر اونا هايسز گجه لر

سارا بير باغدي طبيعتدن آليب قول بوداقی ----------------- بير شيرين ماهنيدي یانلیزاوخیار ائل دوداقی

سارا بير قيزدي سودان سورمه چكبپ گوزلرينه ----------------- جان دييب بيرده اوركدن آرازين سوزلرينه

سارا سئودا ايله دونياني آنان بير قيزدي ----------------- او قارانليق گئجه ني آيدين ائدن اولدوزدي

سارا سودا ايله دونياني آنان بير قيزدي ----------------- سارا غملر اوجاقيندا آليشان بير كوزدي

بير نجابتلي گلين دير ائله آسلان ساياغي ----------------- قويمادي قار ائده دنياسني چاقال اياقي

اوزوني آتدي سئله اوزگني حيران ائلدي ----------------- اويانان شمعيني پروانيه قربان ائله دي

قوشولوب سللره گتدي آنا يوردون ساراسي ----------------- قالدي شيرين اورگينده يئنه فرهاد ياراسي

باغلادي ساچلاريني قويمادي بيگانه گوره ----------------- آنا يوردون قيزي وئرمز ساچين هر كيمسه هوره

گلين اولدي آرازا اوردا تويون توتدي سارا ----------------- سوئله دي اوردا اورك سوزلريني نازلي يارا

آراز آغلار گوز ايله آلدي ساراي اللريني ----------------- دارادي ائل قيزينين بيرده قارا تللريني

گتدي گوزلردن اوزاق دوشدي ائلين بيردنه سي ----------------- گورمدي خان چوبانين آيريليقين سون نفسي

سارا گوز لر دن اوزاق دوشسده ايتمز اثري ----------------- بير ياراق تك سوزونون واردي هله چوخ كسري

[P a R y A]

شعری از شاعر انقلابی آذربایجان شمالی

ائل یولوندا عومور بویو جان قویان

قوجالمایان افسانه یه عشق اولسون

بایاتی تک وارلیغی سونسوزلاشان

اونودولماز فرزانه یه عشق اولسون


یئری دولونماز بیر ایتگیدن

سوزه سیغماز بیر آجیدان

سونسوز بیردورو سئودادن

سورگوندن سورگونه

داشینان یاشانان بیر سئوگیدن

اومود بولاغیندان

ائل دایاغیندان

یورد چراغیندان

انسانلیغا اولگو بیر انساندان

سؤزو سولماز بیر گولوستاندان

بایاتیلار باهاریندان

آنادیلین دیاریندان

وقتسیز سولان بیر چمندن

حسرت اولان بیر وطندن

سؤز دئمه یه سؤز دایانیر

سؤز اوتانیر سؤز آغلاییر


اسماعیل جمیلی