Printable View
تورکی بیر چشمه ایسه من اؤنی دریا ائله دیم
بیر سؤیوق معرکه نی محشر کبرا ائله دیم
بیر ایشیلتی دی سها اولدوزی تک گؤرسنمز
گؤز یاشیملا من اونی عقد ثریا ائله دیم
امیدیم وار کی بو دریا هله اقیانوس اؤلا
اؤنا ضامین بو گؤزل عشقيمي اهدا ائله ديم
تورکی واللاه آنالار اوخشاقی لایلای دیلی دیر
دردیمی من بو دوا ایله مداوا ائله دیم.(اوستاد شهريار)
دؤلانوردی گئجه لر کوچه ده بیر دیوانه
آغلیوردی دانيشوردی بو سوزی جانانه
بارالها بو سينیق قلبیده ويردیم سنه یر
سن کی گلدون چکیلوب قالمادی بیر بیگانه
شرف مقدمووه نفسیمی قوربان کسدیم
بلی هر بزمیده قوربان کسیلر سلطانه
بیت الاحزاندا تجللا ایلدی جلوه ي نور
نور حوسنوندن ایشیقلاندی سینیق ویرانه
یدّی دفعه ایلدیم شمع وصالونده طواف
نجه کی باشینه شمعون دولانار پروانه
سنکی گلدون منه یر قالمادی ویرانمده
چیخدیم ايودن او ايوی بذل ايلدیم مهمانه
سنون عشقوندی سالیب چوللره آواره منی
نه ايویم واردی بو عالمده نه بیر کاشانه
ایندی سلطان بقایم بو فنا مولکونده
غبطه ایلله بو دیوانیه مین فرزانه.
سن کی بیلیرسن بو غریب دنیا یالاندیرhttp://forum.hammihan.com/images/smilies/new/53.gif
اینانیرسان اوجا داغلار باشی چوخ شه لی دوماندیرhttp://forum.hammihan.com/images/smilies/new/53.gif
اینسانین یاخشیلیغی تکجه بو دنیادا قالاندیر
دؤزموشم اؤل قدري هيجرانه دؤزومدن كوسموشم
اوزموشم اميد وصلتدن اؤزومدن كوسموشم
اويموشام(1) ايللر بو ظاهيربين گؤزون فيتواسينه
ايري لر دوز گؤرموشم از بس گؤزومدن كوسموشم
گؤرموشم چون مصلحت چنگينده طبعيم رام اؤلور
ائل دن ايلهام آلديغيم شيرين سؤزومدن كوسموشم
بیر سؤزومله اوره یینه توخانديم
یالواردیغیم سؤزلریمه باغیشلا
ایسته ییرسن گل دیلیمدن آس آنجاق
سنی سئون گؤزلریمه باغیشلا
هارا گئتسه ، سیزه طرف یول آلان
یالنیز سنین آتشینه قالانان
ائوینیزه پروانه تک دولانان
ناخیش – ناخیش ایزلریمه باغیشلا
اؤزون یازدین اوره ییمه آدینی
سن گؤستردین محببتین دادینی
اینجیک لیین آتشی نی اودونو
کوله دؤنموش گؤزلریمه باغیشلا
ترجمه:
با سخنی دلت را آزردم
بخاطر التماس‌هایم ببخش
اگر می خواهی از زبان آویزانم کن
بخاطر چشمانی که عاشقت
هستند مرا ببخش
هر جا که رفته ام به سویت برگشته ام
تنها به آتش تو سوخته ام
دور خانه ات مثل پروانه گشته ام
بخاطر نقش و رد پایم مرا ببخش
خودت اسمت را بر دلم نوشتی
لذت محبت را خودت به من چشاندي
آتش و شعله آزردگی را
بخاطر چشمان خاکسترشده ام ببخش.
سن كه بير گون چخب گلجكميسين .
سن سيز نه حالدايام بيلجكميسين .
چوزلرمن ياشلارن سيلجكميسين .
اقلاما دمنن نه فايداسي وار .
کؤنلومو دائیم امیدیله ن جاوانلاشدیرمیشام
یأس لردن تا قالا ایمن جاوانلاشدیرمیشام
گرچی جور دوریده ن چوخ گؤرموشم اشکنجه لر
هاردا من ای جان جان شیون جاوانلاشدیرمیشام
لشکر غمده ن نه باکیم وار بو گون، کیم، فیکریمه
عشقیده ن گئیدیرمیشه م جوشن جاوانلاشدیرمیشام
روزگارین غملرینده ن درمیشم شن نغمه لر
دؤنده ریب فیکرین مسیرین من جاوانلاشدیرمیشام
هر یاشیللیق روحونو هوپدورموشام ائل یوردونا
چاغلایان چایلار کیمین کؤشن جاوانلاشدیرمیشام
باغبان گولدورمه سه گلشنده گولمز لاله لر
گولموشم، گولدورموشم سوسن جاوانلاشدیرمیشام
«آذراوغلو»ندان چتین گونلرده صبر ئورگنمیشم
قاره بختی ائتمیشم روشن، جاوانلاشدیرمیشام.
منيم آتام سفره لى بير کيشييدى
ائل اليندن توتماق اوْنون ايشييدى
گؤزل لرين آخره قالميشييدى
اوْننان سوْرا دؤنرگه لر دؤنوْبلر
محبّتين چيراخلارى سؤنوْبلر
ترجمه فارسی:
آن سفره هاى باز پدر ياد کردنى است
آن ياريش به ايل من انشاد کردنى است
روحش به ياد نيکى او شاد کردنى است
وارونه گشت بعدِ پدر کار روزگار
خاموش شد چراغ محبت در اين ديار
اودلان ای دل شراره شکلینده
اوخی غمدن هزاره شکلینده
سیخیلیب قالما کنج سینمده
سوز دانیش پاره پاره شکلینده
حق سوزون اولماسا اگر آلانی
یازارام بیر اشاره شکلینده
بلکه بیدار اولا یاتان ملت
گئجه وقتی ستاره شکلینده
قویدیلار سکه سکه اوستونده
اولدی عینا مناره شکلینده
دوستلارین فکر و رایی روز عمل
دولانور ماهواره شکلینده
قولاقیمدان بو سوز اوشاقلیقدان
آسلانیب گوشواره شکلینده
آنلاماز شخصی گورسون هر یئرده
قاچ قوتار تئز سواره شکلینده
آلمیشام بوینوما ئولوم دارین
گزورم حق سوزون خریدارین
گونش باتاندا، اوزاقدان ائشيتدييين سسلر،
او قوملو چؤلده گزن يئللرين حزين سسي دير.
ائشيتدييين آرازين آل ايشيقلارييلا آخان،
گوموشلو دالغالارين گورلايان درين سسي دير.
او دويدوغون آجيليقلار غزللريمده منيم،
کؤنولده گيزلی قالان اسکی غملرين سسي دير.
ترجمه ي فارسي
غروب گاهان، آوای دوردست،
صدای محزون بادهاست
سرگردان در شنزار.
ازارس ، با شکوه نورانیش جاری،
صدای امواج نقره ای می آید
از ژرفا.
زنگ تلخی درغزل هایم ،
ندای غم هاست، پنهان مانده
از دیر باز
در دل من.
هانی بیر یار وفا دار کی بیزه یار اولسون
دیلی مجروح یمیزه دیل وئریب زار اولسون
وئرمه نادانه کونول سیرینی آگاه ائتمه
دئمه عشق اهلی گئرک دهرده بی عار اولسون
آرزوم دو وطنیمده یاشییان هر بیر کس
قزله موسیقییه شعره هوس کار اولسون
الینه، عاقلینا هرنه گلیر اونو ایفا ائلییر
موسیقی ضای ائله سک بیزلر اوچون آر اولسون
ای جونلار سیزی تانری سیزه جانیم قوربان
قویمایین سیز بو موغاماتیمیزی خار اولسون
قزلر سادلشیب آزدی فضولی ائشیدن
منجه عشق اهلی گئرک اصلی خریدار اولسون
حاجی آز سوئیله دئرر لر بیزی تبلیغ ائلییر
چاره یوخ گئلسه علسگر یادا جبار اولسون
بو شعرده حاجی بابا حسین اوف داندیر
سمنی ال سمنیhttp://forum.hammihan.com/images/smilies/new/16.gif
هریازدا سن یادا سال منی
سمنی ساخلا منی
ایل ده گویردیم سنی
گولوش دوغار دوداغلاردا سمنی
بیزیم ائللر اوخور بو نغمنی
سمنی ای سمنی ساخلا منی
دوزوم دورد یانینا نرگیس،یاسمنی
بو بایرامدا هر ایل بایرام دوزه لدن
من ال چکمم سندن کیمی گوزه لدن
سفرلر بزه گیسن ازلدن
یاراشیرسان اوتاقلارا سمنی
كوچه لره سو سپمیشم یار گلنده توز اولماسین
اله گلسین اله گیدسین آرامیزدا سوز اولماسین
ساماوره اود سالمیشام استیكانا قد سالمیشام
یاریم گیدوب تك قالمیشام
نه گوزلدی یارین جانیم
نه شیریندی یارین جانیم
پیاله لرین رهلری
هربیری بیر طرفده دی
گورمه میشم بیر هفته دی
نه گوزلدی یاریم جانیم
نه شیریندی یاریم جانم...
هیچ سنبل سنبل زولفین کیمی مشکین دئییل
نافه چینی ساچین تک دئرلر اما چین دئییل
وار گل برگین ده الحق نزاکت بیرله رنگ
لیک جان پرور لب لعلین کیمی شیرین دئییل
مهربان دئرلر سنی اغیاره لیکن من اونا
باور ائتمم کیم سنه مهر ایله مک آئین دئییل
خوب لر محراب ابرو سینه قیلمازسان سجود
دینینی دؤنده ر گل ای زاهد، کی یاخشی دین دئییل
تا فضولی قامت و رخسارینه وئرمیش کؤنول
مایل سرو و هواخواه گل و نسرین دئییل
ترجمه ی فارسی
هیچ سنبلی همانند زلفت مشکین نیست
هیچ نافه چینین همانند زلفت پرچین نیست
در گلبرگ رخت الحق که رنگی یکتاست
لیک مانند لعل لب جان پرورت شیرین نیست
می گویند که با اغیار مهربان هستی
باور نمی کنم زیرا که مهر آئین تو نیست
بر محراب ابروی خوبرویان سجده نمی کنی
ای زاهد دین ات را عوض کن که این دین ات خوب نیست
تا فضولی دل به قامت و رخسارت داده
تمایلی به سرو و هواخواه گل و نسرین نیست
کوچه لره سو سپمیشم
کوچه لره سو سپمیشم
یار گلنده توز اولماسین
ائله گلسین ائله گئتسین
آرامیزدا سؤز اولماسن
ساماوارا اوت سالمیشام
ایستیکانا قند سالمیشام
یاریم گئدیب تک قالمیشام
نه عزیزدیر یارین جانی
نه شیریندیر یارین جانی
ساماواری آلیشدیرین
ماشا گه تدیم قاریشدیرین
کوسولویوخ بارشدیرین
نه عزیزدیر یارین جانی
نه شیریندیر یارین جانی
پیاله لر ایرفده دیر
هر بیری بیر طرفده دیر
گؤرمه میشم بیر هفته دیر
نه گؤزلدیر یارین جانی
نه شیرین دیر یارین جانی
ترجمه ی فارسی
کوچه ها را آب و جارو کرده ام
کوچه هارا آب و جارو کرده ام
وقتی یار می آید گرد و خاک نشود
طوری بیاید و برود
که بین ما حرفی ( دلگیری ) نباشد
داخل سماور آتش انداخته ام
داخل استکان قند انداخته ام
یارم رفته تنها مانده ام
چه عزیز است جان یارم
چه شیرین است جان یارم
سماور را روشن کنید
ماشا(معادل فارسی اش را نمیدانم)آورده ام( زغال را )بهم بزنید
با هم قهریم آشتی مان بدهید
چه عزیز است جان یارم
چه شیرین است جان یارم
پیاله ها در تاقچه اند
هرکدام در یک طرفند
یار را ندیده ام یک هفته است
چه زیباست جان یارم
چه شیرین است جان یارم.
ارين بوينون قوجاقلاديم ........... يار آغلادي من آغلاديم
يغيشدي قونشولار بوتون ........... جار آغلادي من آغلاديم
باشيندا قارقالان داغا ........... دانيشديم آيريليق سؤزون
بيرآه چكيب باشينداكي ........... قار آغلادي من آغلاديم
طارم ده نار آغاجلاري ........... مني گؤروب دانيشدلار
بؤيومو زيتون اؤخشويوب ........... نار آغلادي من آغلاديم
اله كي اسدي بير خزان ........... تالاندي گوللريم منيم
خبر چاتينجا بولبوله ........... خار آغلادي من آغلاديم
دئديم كي حق منيم كي دير ........... باشيمي چكديلر دارا
طناب كسنده بؤينومو ........... دار آغلادي من آغلاديم
اوره ك سؤزون دئديم تارا ........... سيم لر اؤلدو پارا پارا
ياواش ياواش سزلدادي ........... تار آغلادي من آغلاديم
جعفري م بؤيوم بالا ........... غم اوره كده قالا قالا
يار جانيمي آلا آلا ........... يارآغلادي من آغلاديم
یالان دونیا
سنین بهرن یئین کیمدیر؟
کیمینکی سن؟ ییهن کیمدیر؟
سنه دوغرو دئین کیمدیر؟
یالان دونیا، یالان دونیا!
سنی فرزانه لر آتدی
قاپیب، دیوانه لر توتدی
کیمی آلدی، کیمی ساتدی
ساتان دونیا، آلان دونیا
آتی ازل داغا سالدیق
یورولدوقجا دالی قالدیق
آتی ساتدیق، اولاغ آلدیق
یهر اولدی پالان دونیا
بیری آینا ، بیری پاس دیر
بیری آیدین، بیری کاس دیر
گجه توی دور، گونوز یاس دیر
گول آچدیقجا، سولان دونیا
ایگیت ارین باشین یئیهن
گوجالار بوزباشین یئیهن
قبیرلرین داشین یئیهن
اءوزو یئنه قالان دونیا!
نه قاندین، کیم گول اکن دیر؟
کیم قیلیج تک قان توکن دیر؟
تیمور هله کوره کن دیر
چنگیز جانین، آلان دونیا
یامان قورقو! ییغیلایدین!
طوفانلاردا بوغولایدین!
نه اولایدی بیر داغیلایدین
بیزی درده سالان دنیا
چاتیب، سندن کوءچن کچدی
اجل جامین، ایچن کچدی
اولان اولدو، کئچن کئچدی
نه ایستردین اولان دونیا
بوغولایدین، دوغان یئرده
دوغوب خلقی بوغان یئرده
اوغول نعشین اوغان یئرده
آنا زولفون یولان دونیا
ائوده بیر ایل آه چکرم خبر یوخ
ائودن چیخام ، من اویانا ، یارگلی
تای - توشلاریم ، چوله چیخا، گون چیخار،
من چیخاندا یاغیش گئتسه ، قارکلی
یازیغ قوزوم !آجلیغا دوز ، داریخما،
بوگون - صاباح باهار گلی ، بار گلی
بیزه گله - گلمیه ، بیر کال اییده،
قونشوموزا هیوا گلی ، نار گلی
خان ایوئینه ، شئر گله ، قویروق بولار
بیزیم ائوه، کور ایت گله ، هار گلی .
خلقه قوناق گلی ، گوزی سورمه لی ،
بیزیم ائودن ،کور گئتمه میش ، کار گلی
بختیمه آرواد نه چیخا ، بیلمیرم؟
بللی دی کی سارساغا ،سوسار گلی .
بیر(بیراوچ اتک)اندازادیر اگنیمه،
(سالیسبوری)گن گلمه سه دار گلی .
دولتلی یه یاس داگله اوینایار ،
بیز کاسیبا توی گله ،آخسار گلی
غم یوکوندن ،کدخدانین حصه سی ،
خردل اولی ،بیزیمکی خالوار گلی .
کتده بیزی دویله ، بیر هاوار یوخ،
بیز بیر کلمه حق دانیشساق ، جار گلی
داغاشا ییرتلار بیزه سرکار چیخار،
دار دیبیندن قورتولار ، سردار گلی .
بوندان بئله ،ئوزگه گوره م ،ئوزگه دن -
منت چکیر ، غیرتیمه آر گلی .
ایشچی ، تویوق کسنده من باخانمام ،
بیلمم نئجه اوره گینده وار گلی ؟
غمدن منیم ، بیر عینک وار گوزومده .
ایشیق - آیدین گون ، گوزومه تار گلی .
عشقیم دوشوب یادیمه ، گوزلر داشار ،
باهاردا سئل آتلانی - چایلار گلی .
چوخ شاعیرین طبعی دونار بوز کیمی ،
*شهریار*ین شعری ده ، قاینار گلی
گئجه كئچميش ياريدان، گؤزوم يولدا ..يوللاردا
بو قارانليق گئجه ده نه گئدن وار نه گلن ،
هاوا دورقون ، يئل اسمز ، پرده لري اوينادان ؛
او قلمكار پرده يي٬ چاپقين خيال سن مي سن ؟
گئجه كئچميش ياريدان چيراغيمين شؤعله سي ،
آلا قارانليقلاردا بير اولدوز تك سؤنمه ده ،
گؤرمه ديم اوزاقدان سؤنوك ، ساري بير اولدوز ،
طالئعيم اولدوزو اوفوقلره يئنمه ده …
سحر اوزاق ، يول اوزاق ، طيليسيملي آرزولار ،
ظولمتلرين ايچينده توزلو قالميش، بوش قالميش
كاروان كئچمز او يولدان ، آيدينلاتماز آي اونو ،
بير گئجه دير كي ، اونا آيريليق كؤلگه سالميش .
ساحيره يالنيز دئييلسن ، ماوي گؤيون آلتيندا ،
گئجه لري ياتمايان و يوللارا گؤز تيكن ،
بير چوخلاري سنين تك ايتيپ گئتدي بو يولدا ،
سؤنؤب كئچن كؤلگه تك، ساحيرسن٬ تك دئييلسن
باشا چاتميش بو گئجه ، خوروز سسي اوجالير ،
يولو دومان بوروموش ، نه گئدن وار نه گلن .
هاوا دورقون ، يئل اسمز٬ پرده لري اوينادان ،
بو آيريليق چاغيندا ، ائى نازنين سن مي سن ؟
Həbib sahi - حبیب ساحیر
آنا گولدور٬ بير گون سولار Ana güldür, bir gün solar
آنا ديلى شيرين اولار Ana dili şirin olar
بيزيم توركو شيرين ديلدير Bizim Türkü şirin dildir
خوش صدالى٬ زنگين ديلدير Xoş sədalı, zəngin dildir
ديل گونشدير٬ ايشيق ساچار Dil günəşdir, ışıq saçar
آزادليغا قاپى آچار Azadlığa qapı açar
يادين ديلى بويوندوروق Yadın dili boyunduruq
بير گئچيددير بوروق بوروق Bir geçiddir buruq buruq
بويوندوروق خالقى بوغار Boyunduruq xalqı boğar
گئچيدلرده قولدور سويار Geçidlərdə quldur soyar
قوى يادلاشسين سئناتورلار Qoy yadlaşsın senatorlar
خالقى سويان تاجير٬ توججار Xalqı soyan tacir tüccar
يالتاق شاعير يولون آزسين Yaltaq şair yolun azsın
تكجه فارسى غزل يازسين!
http://forum.bakililar.az/style_emot...ult/heart1.gif http://forum.bakililar.az/style_emot...ult/heart1.gif http://forum.bakililar.az/style_emot...ult/heart1.gif
كيشي
دورما، ييخيل يات هله فاهرات كيشي !
عصري گؤروب، قالما بئله مات كيشي !
ايندي اولوب يورقانين اوچ قات كيشي !
ساققاليني بير - ايكي ييرغات كيشي !
چك باشينا يورقانيني يات كيشي !
اول شبدن اوزانيب سان بئله،
راحتي ياتاماقدا قانيبسان بئله،
ياخشي دا الحق اينانيبسان بئله،
لاكين اينانمام اوسانيبسان بئله،
چك باشينا يورقانيني يات كيشي !
عؤمر اؤتوشوب، باش آغاريب اون كيمي،
ديش دؤكولوب، ساققال اولوب يون كيمي،
سينه چؤكوب، بئل بوكولوب نون كيمي،
گر چه اولوب سان قوجا ميمون كيمي،
ليك يئنه روبهي ملعون كيمي،
تئز گؤتوروب تيرياكيني آت كيشي !
قاليانيني چاغلا، خورولدات كيشي !
بير قدر اؤز سينهني توخدات كيشي !
چك باشينا يورقانيني يات كيشي !
میرزه علی اکبر صابیر