میللت شرقیسی
میللتلر ایچینده
آغا میللت ، خان میللت!
هر گون روحو چیغنانان ،
روحونون آغیز – بورنوندانن
قان آخان میللت ؟!
گؤز گزدیر اطرافا باخ ، -
کیم آللاه در گاهینا
روحو سنین تک قانچیر ،
اوره گی یاغیر گئدر .
بئله آغیر ترپنممه
آللاها آغیر گئدر .
وطنین پای – پوشک اولدو –
ساپلی گئتدین
تییه می چیخدین ؟!
نییه یئردن قالخمیرسان
ییخیلدیغین یئره
یییه می چیخدین ؟!
بس نه واخت
« قاراباغ » دییه جک،
هایقیر اجاقسان ؟!
ایللردیر بیر اومید
زارینجی قالیب ،-
گؤزله ، گؤزلریم کی ،
سن دوراجاقسان .
بئله میسکین گؤرونمه ،
او گؤزل حوسنونه گل !
ازیلن روح سنین دیر ...
دور روحونا طرف چیخ ،
روحونون اوستوندن گل .
ایلیگیمده روحومدا
شرقیسین چالدیغیم میللت !
پیر کیمی باشینا دولانیب
قاداسین آلدیغیم میللت !
دور آیاغا دالغالان ،
دور چالخان،
بو سنسن
قدیر بیلمزلر الینده
صبری یوخلانان.
دئمیرم کی ، یئریندن
قالخان کیمی آدام باس،
دئییرم کی ، بو یولدا
آرخاندا خئییر دوروب
شر اوستونه قدم باس !
سنی حقارتله سوزور
وار- یوخونو چاپانلار،
بیر – بیری نین قور خوسوندان
قورد کیمی
آغیز- آغیز ا یاتانلار ،
بیرلیگیمیز یوخدو دئیین
تکله ییب بیزی بیر – بیر
میتیلیمیزی آتانلار .
قیبله م مییللت ،
یؤنوم میللت !
باشینا دؤنوم، مللت !
دور بیر خئییره یارا ،
دور خئییری آد ائیله ،
روحون عصارتده دی ،
روحونو آزاد ائیله !
