آذربایجانیم

آذربایجانیم

آذربایجانیم
ای منیم سویگولوم آذربایجانیم
سن منیم ئوزگولوم آذربایجانیم

گوللردن گؤزلدیر گؤزلرین سنین
هر بالدان شیریندیر سؤزلرین سنین
بهشته اوخشایر منظرین سنین
ای منیم سویگولوم آذربایجانیم

لاله لی چیچکلی داغلارین واردیر
میوه لی گؤرکملی باغلارین واردیر
گؤزللر یوردیسان آغلارین واردیر
ای منیم سویگولوم آذربایجانیم

سنده دیر قهرمان گؤزل جوانلار
سنده دیر اوره کلی شیر ژیانلار
تربیت ائتمیسن چوخ قهرمانلار
ای منیم سویگولوم آذربایجانیم

سنده دیر غنجه لر سنده دیر گوللر
سنده دیر قوخمییان قهرمان ایللر
سنده دیر اوخییان شیدا بولبولر
ای منیم سویگولوم آذربایجانیم
سینده بسله دین قهرمانلاری
باقری بابکی ستارخانلاری
قاودیلار وطندن قان سورانلاری
ای منیم سویگولوم آذربایجانیم

حیرته سالمیسان بوتون دنیانی
کارتری ریگانی بویوک شیطانی
دشمه نی خوفه سال گؤزون قربانی
ای منیم سویگولوم آذربایجانیم

شهرتین دنیایا گرک یاییلسین
قهرمان همیشه آدین ساییلسین
سؤوورسن یوخلییان بوتون آییلسین
ای منیم سویگولوم آذربایجانیم

هر یئرده هر زمان صحبتین واردیر
قاوارسان دشمه نی غیرتین واردیر
همیشه شهرتین عزتین واردیر
ای منیم سویگولوم آذربایجانیم




آذری راضیدیر ئوز وطنیندن
ال چکمه ز گولوندن ئوز چمنیندن
سنده توت اوغلیوین هر دم الیندن
ای منیم سویگولوم آذر بایجانیم

سن منیم ئوز گولوم آذربایجانیم